கொண்ட கரு அழிக்கும்

நண்டு சிப்பி வேய் கதலி நாசமுறும் காலத்தில்

கொண்டகரு அழிக்கும் கொள்கை போல் - ஒண் தொடி

போதம் தனம் கல்வி பொன்ற வரும் காலம் அயல்

மாதர் மேல் வைப்பார் மனம்.

நண்டு = நண்டு;

சிப்பி = சிப்பி;

வேய் = மூங்கில்;

கதலி = வாழை;

நாசமுறும் காலத்தில் = அழியும் நேரத்தில்;

கொண்ட கரு அழிக்கும் = அவைகளின் கருவான முறையே நண்டு தன் குஞ்சையும், சிப்பி தன் முத்தையும், மூங்கில் தன் அரிசியையும், வாழை தனது குலையையும் இழந்துவிடும்;

கொள்கைபோல் = அதுபோல;

ஒண்தொடி = வளையல் அணிந்தவளே!

போதம் தனம் கல்வி பொன்ற வரும் காலம் = வித்தை, செல்வம், அறிவு இவைகள் அழியும் காலத்திலே;

அயல் மாதர் மேல் வைப்பார் மனம் = பிற பெண்கள் இடத்திலே ஆசை கொள்வார்கள்.